Nag-atras si Dean Ralph Sarmiento sa pagigin testigo kan defense team para sa pagpadagos kan impeachment trial ni Vice President Sara Duterte na nakatalaan sa Nobyembre 9.
Sa saiyang pahayag, sinabi ni Sarmiento na pagkatapos kan mabusisi na pag-iisip, nagdesisyon siyang dai na magpartisipar sa mga pagdangog.
Ipinaliwanag niya na personal na desisyon an saiyang pag-atras tanganing mapreserbar an independensya kan saiyang pag-adal asin pagsaligsig sa constitutional law, siring man an pagigin patas kan saiyang mga legal na pananaw asin opinyon.
Si Sarmiento an enot na piglalaoman na testigo kan defense team sa impeachment proceedings kontra sa bise presidente.
Sa presente, dai pa malinaw kun siisay an ipipalit kan depensa ki Sarmiento bilang testigo sa masunod na pagdangog.
