Nagtiripon an labi sa 1.2 milyong katao sa Cibeles Square sa Madrid kan Domingo, Hunyo 7, para sa sarong outdoor Mass kaiba si Pope Le o XIV an pinakadakulang event sa saiyang sarong semanang pagbisita sa Spain.
Sa saiyang sermon, pig-inkaminar ni Pope Leo an mga Katoliko na magtabang sa kapwa asin tinawan doon na an Diyos kaiba kan mga pobre, naaapi, asin napapabayaan. Sinabi man kan Santo Papa sa alkalde kan Madrid na sana magtiner na sarong malugod asin inklusibong ciudad an Madrid para sa gabos.
Pinunan kaini an biyahe kan Sabado sa pakikipaghilingan sa mga migrante, mga taong mayong harong, asin nasa 600,000 na mga kaakian. Sa June 6–12 na pagbisita, inaasahan man ining mabisita sa Barcelona asin sa Canary Islands tanganing makipaghilingan sa mga migrante hale West Africa.
Sigun ki Pope Leo XIV, hagad kaini na magin halimbawa an biyahe sa pagrespeto sa “kada saro” asin pangapodan sa mga lider na punduhon na an pagkakabaranga kan mga tawo.Pagkatapos kan Misa, nakipaghilingan pa an Santo Papa sa kapwa Augustinian asin sa mga personalidad hale sa entertainment, sports, asin kultura sa Madrid.
