Nagtutubod an Liga ng mga Barangay na importante pang lalo na paigtingon kan Naga City an pagpapatuman kan disiplina, kaayusan, asin organisadong sistema kan transportasyon kasunod kan pagiging isang Highly Urbanized City (HUC).
Sa inrevista kan Bombo Radyo Naga kay Ma. Corazon Peñaflor, Liga ng mga Barangay President na katakod kan pag-uswag asin paglago kan siyudad an mas mahigot na pagpapatuman kan mga ordinansa asin programa na naglalayong mapanatili an kaayusan sa mga kalsada asin komunidad.
Segun sa opisyal, mahalagang magkaigwa nin kooperasyon an gabos na sektor, kaiba an mga residente, motorista, transport groups, asin mga barangay tanganing masiguro an maayos na daloy kan trapiko asin ligtas na kapaligiran para sa publiko.
Binigyang-diin man niya an kahalagahan kan organisadong transport system tanganing matugunan an nagdadakul na pangangaipo kan siyudad habang nagdadakul an populasyon asin bilang kan mga sasakyan.
Aniya, an pagiging Highly Urbanized City bako sana manungod sa imprastraktura asin paglago kan ekonomiya kundi man sa pagpapahiling nin disiplina, responsibilidad, asin pagsunod sa mga umiiral na balaod asin regulasyon.
Samantala, padagos na nakikipagtinabang an mga barangay sa lokal na pamahalaan tanganing suportahan an mga programang nakatuon sa public order, traffic management, asin iba pang mga hakbang para sa mas maayos asin progresibong Naga City.
