Inihalintulad ni Representative Paolo Ortega sa isang laro ng basketball ang kasalukuyang estado ng impeachment proceedings laban kay Vice President Sara Duterte.
Ayon kay Ortega, nagsimula na ang “jump ball” ng proseso matapos isagawa ang pre-trial noong Hunyo 18, 2026, na nagsilbing paghahanda bago tuluyang umusad ang paglilitis.
Sinabi ng mambabatas na ang susunod na yugto ng proseso ay inaasahang magsisimula sa Hulyo 6, 2026, kung kailan nakatakdang buksan ang impeachment trial laban sa Bise Presidente.
Gamit ang paghahambing sa basketball, ipinaliwanag ni Ortega na ang pre-trial ang nagsilbing unang galaw ng magkabilang panig bago ang aktuwal na “game proper” ng paglilitis.
Inaasahang magiging sentro ng pagdinig ang mga alegasyon na nakapaloob sa impeachment complaint, habang magkakaroon naman ng pagkakataon ang kampo ni Vice President Duterte na ihayag ang kanilang depensa.
Patuloy namang minamatyagan ng publiko ang magiging takbo ng unang impeachment trial sa kasaysayan ng bansa laban sa isang nakaupong bise presidente.
