Naglalaom an House prosecution panel na matatapos na an impeachment trial laban ki Bise Presidente Sara Duterte antes magpasko.
Segun ki House lead prosecutor asin Batangas Representative Gerville Luistro, ini an saindang kamawotan tanganing kita gabos magkaigwa nin maogmang Pasko.
Sinabi ni Luistro na ini an rason kun tano binawi na ninda an ibang mga testigo para sa Article IV kan Articles of Impeachment na sa padnininduga ninda pigdodoble sana an mga testimonya asin ebidensiya na iprinesentar na sa paglitis.
Kabali sa mga testigo na binawi kan piskalya huli sa mga alegasyon nin grabeng pananakot asin pag-incite to sedition iyo sinda Office of the Vice President Chief of Staff Atty. Zuleika Lopez asin pitong iba pa.
Sinambit ni Luistro na padagos man an saindang re-review sa listahan kan saindang mga testigo para sa tolong iba pang Articles of Impeachment tanganing madeterminaran kun papano pa sinda mabawasan.
