Inomaw ni Senador Robinhood “Robin” Padilla an Chinese Ambassador sa Pilipinas na si Jing Quan kasunod kan saindang personal na pagtiripon sa 2026 ASEAN Chinese Business Leaders Summit.
Sa sarong social media post kan Senador, nagpasalamat si Padilla sa Federation of Filipino-Chinese Chambers of Commerce and Industry, Inc. sa imbitasyon sa nasabing pagtiripon, na nagtao saiya nin oportunidad na makaulay nin personal an representante kan China.
Iniladawan kan senador si Jing bilang edukado, maginoo, asin direktang kaulay, kaiba an pagtataong-doon sa kahalagahan kan direktang pag-urulay sa pag-atubang sa mga sensitibong isyu sa pag-ultanan kan duwang nasyon.
Segun ki Padilla, makakatabang an personal na dayalogo tanganing malikayan an mga dai pagkakaintindihan na pwedeng magpuon sa pagribayan nin mga pahayag na dai nakakatabang sa pagkamit nin katuninungan asin pag-uswag.
