Inaprobaran kan COMELEC an sarabay na paggibo kan plebisito para sa Highly Urbanized City (HUC) status kan Ciudad nin Naga kaiba an BSKE sa Nobyembre 2, 2026 tanganing makatipid sa gastos asin magin mas episyente an proseso kan pirilian.
Sa intrevista kan Bombo Radyo Naga kay Atty. Maico Julia (Election Officer, Comelec-Naga), sinabi kaini na ohheto kaini na mabawasan an gastos sa pigkakarkulong ₱22 milyon gikan sa nakaaging ₱50 milyon huli ta parehong mga pasilidad asin election personnel kan BSKE an gagamiton. Piglalaoman man na mapartisipar an labi sa 119,000 na rehistradong botante kan ciudad.
An mga botante magamit nin magkasuhay na balota para sa plebisito asin BSKE base sa saindang edad. Bibilangon man nguna an mga balota kan plebisito tanganing maparikas an resulta kan botohan.
Ipapautob an mga election ban kan BSKE, mantang sisiguraduhon kan COMELEC an patas na kampanya para sa “Yes” asin “No” na lado. Magkokondusir man nin voter education asin preparasyon an lokal na gobyerno para sa sabay-sabay na pirilian.
