San Beda Red Lions player JV Gallego, namaaram na sa kinaban sa edad na 28

Namaaram na sa kinaban si NCAA champion JV Gallego sa edad na 28 matapos maaksidente.

Nangyari an aksidente mag-uumagahon kan Sabado sa kalabaan kan North Luzon Expressway (NLEX).

Sakay si Gallego an saiyang puting Honda BR-V kan bumangga ini sa sarong concrete barrier sa may Libtong Exit.

Dinara pa sa ospital si Gallego asin an saiyang kaibanan na binistong si Chloe Carillo sa Meycauayan Doctors Hospital, alagad idineklarar na dead on arrival si Gallego.

Nagpaabot man nin pakikidamay an San Beda University Alumni Association sa pamilya asin mga mahal sa buhay kan dating player.

Magigirumduman na nagkampeon si John Vincent “JV” Gallego kaiba an San Beda Red Lions sa NCAA Season 99.