Naghiras an sarong dating out-of-school youth nin patunay na mayu nin hadlang na makatapos nin pag-aadal kun sain makalihis ini na makatapos komo Summa Cum Laude sa University of the Philippines Diliman.
Sa intrevista kan Bombo Radyo Naga kay Colene R. Santos (Up Diliman, Summa Cum Laude), ipinaliwanag ni Santos na dai siya nakapag-adal sa laog nin pitong taon huli sa problema pinansyal kan saiyang pamilya.
Nag-agi man siya sa Alternative Learning System (ALS) bago nagbalik sa pormal na edukasyon asin naglaog sa UP.
Susog saiya, an imposter syndrome asin an pagprobar na makahabol sa mga pamantayan sa akademya kan saiyang mga kaklase dakulang angat.
Alagad, nalamPasan niya ini sa paagi sa kahigosan, disiplina, suporta hale sa pamilya, mga barkada, asin makusog na pagtubod.
Plano ni Santos na magtrabaho muna sa sarong law firm tanganing makatipid antes ipursige an saiyang pangarap na mag-adal nin abogasiya asin magserbisyo sa mga marginalized sa sosyedad.
Pig-enkaminar man kaini an mga out-of-school youth na dae mawaran nin paglaom asin ipadagos an saindang pag-adal.
Dugang pa kaini na sa paagi nin kapakumbabaan, kahigosan, asin pagtubod sa Diyos, posible pa man giraray na makamtan an mga pangaturugan sa ibong kan anuman na hamon sa buhay.
