Nakatalaan na mangyari sa Hunyo 1, 2027 an pagdinig sa kaso kan pinatalsik na Venezuelan President Nicolás Maduro asin an asawa niya na si Cilia Flores.
Segun ki New York Judge Alvin Hellerstein, magkakaigwa nin pre-trial hearing sa Nobyembre 17 tanganing pamatian an mga mosyon kan magkabilang panig bago magsugod an aktuwal na paglilitis.
Nanindugan an abogado ni Maduro na si Barry Pollack na kokontrahon ninda an pagpadagos kan kaso, huli ta an kliyente protektado kuno kan Sovereign Immunity, sarong legal na prinsipyo na nagpoprotektar sa mga namumuno kan sarong nasyon.
Magigirumdoman na naaresto si Maduro asin Flores sa saindang compound sa Caracas kan Enero 3 kan mga puwersa kan Estados Unidos. Dinara an duwa sa New York tanganing maghampang sa mga kaso na may kaugnayan sa armas asin ilegal na droga.
An kaso ni Maduro asin Flores padagos na susubaybayan habang inaandam kan korte an mga susunod na proseso bago an pormal na pagdinig.
