Nagpahayag kan Lunes an Iran, na andam sindang buksan liwat an Strait of Hormuz sa laog nin duwang aldaw kun magtugot an US sa saindang mga kahagadan, sarong mas halipot na panahon kumpara sa enot na sarong semana.
Segun ki Esmaeil Baqaei, tagapagtaram kan foreign ministry, “The possibility of implementing this plan in two days is another indication of Iran’s good-faith approach.”
Kaiba sa mga kahagadan kan Iran an pagtapos kan Middle East war, an pagbawi kan pag-freeze sa Iranian assets sa ibang nasyon, an paghali kan sanctions sa saindang oil sector, asin an pagtapos kan US naval blockade.
Nagpapadagos an pagribayan nin mensahe sa pagultanan kan Iran asin Estados Unidos sa paagi kan mga mediators, asin an Iran nagtutubod na “everything depends” sa pag-ako kan US sa saindang mga kahagadan.
Poon kan magputok an Middle East war kan Pebrero, inako kan Iran an kontrol sa Hormuz, sarong importanteng agihan para sa enerhiya, na nagresulta sa pagpataw nin sanctions asin naval blockade kan US sa mga pantalan kan Iran.
Sa sarong interbyu, sinabi ni Foreign Minister Abbas Araghchi na dapat man na akuon kan Washington an bagong ruta na napagkasunduan kan Iran asin Oman para sa transit sa strait, asin bawasan an bilang kan mga tropa kan Amerika sa rehiyon.
Nagpatanid si Baqaei na “Any act of aggression against Iran, any military attack against Iran, by whatever means, will be met with a powerful, immediate and comprehensive response from us.”
