Arestado an sarong 20-anyos na lalaki an nadakop sa ginibong buy-bust operation kan mga personahes kan Police Station 2, kaiba an City Mobile Force Company (CMFC), sa koordinasyon kan PDEA Regional Office V, sa kalabaan kan tinampo sa Brgy. Concepcion Pequeña, Ciudad nin Naga kan Hulyo 24, 2026.
Binisto an nadakop na suspechado sa alyas na “Carl,” sarong soltero, estudyante sa kolehiyo, asin residente kan Brgy. Triangulo, ciudad nin Naga. Sa operasyon, nakumpiskar sa suspechado an sarong (1) pidaso nin transparent na plastic cling wrap na may laog nin pigtutubudang pinatuyong dahon nin marijuana.
Pinaisi an suspechado kan rason kan saiyang pagkadakop asin kan saiyang mga legal na deretso sa tataramon na saiyang nasasabotan.Sa ngunian, nagtitinir na sa kustodiya kan Police Station 2 an suspek mantang an katumbas na kaso sa pagbalga kan Republic Act No. 9165 o Comprehensive Dangerous Drugs Act of 2002.
Padagos an pagirumdom kan Naga City Police Office sa publiko na magkooperar sa kampanya kontra sa iligal na droga sa paagi kan tulos na pagtao nin impormasyon sa mga awtoridad para mamantinir an ligtas asin matoninong na komunidad.
