Kinuwestiyon kan BAN Toxics an paglaog sa bansa kan 184 na kontainer na pinaghihinalaang electronic waste (e-waste) hali sa Estados Unidos na inaprubahan suboot makalaog sa Subic Bay Metropolitan Authority (SBMA).
Sa intravesta kan Bombo Radyo Naga kay Antonio “Thony” Dizon, Campaign and Advocacy Officer kan (Basel Action Network)BAN Toxics, sinaysay kaini na tulos sindang inalerto kan Bureau of Customs (BOC) asin Department of Environment and Natural Resources (DENR) huli sa posibleng mag balgar ang shipment sa Basel Convention asin sa Republic Act No. 6969 o Toxic Substances and Hazardous and Nuclear Wastes Control Act, na nagbabawal sa pagpalaog kan hazardous waste sa nasyon.
Sinabi ni Dizon na an mga shipment an piglalaoman na maabot puon Agosto 6 hasta Setyembre 30, alagad dae pa sierto kun pira pa an mga kasunod. Suboot, idinedeklarang recyclable o scrap an mga kargamento alagad sa huri may nadidiskubreng may mga halong Ewaste.
Inumaw man kan BAN Toxics an marikas na aksyon kan Bureau of Customs sa pagpugol sa tulo pang naenot na kaduda-dudang shipment.
