Tututukan kan Senate Blue Ribbon Committee an mga substandard asin palpak na public works projects kan pamahalaan, kasunod kan mga bareta dapit sa mga imprastraktura na madaling maraot pakatapos kan mga uran asin bagyo.
Segun kay Senate Blue Ribbon Committee Chairman Erwin Tulfo, parte ini nin mas halawak na imbestigasyon kan komite sa mga alegasyon nin katiwalian sa mga proyekto kan gobyerno.
Apwera sa mga bagong pangaran asin isyung katakod sa flood control projects, sinabi ni Tulfo na sisiyasaton kan komite an mga tulay, tinampo, asin iba pang pampublikong pasilidad na soboot dai nakakaabot sa mga establisadong pamantayan.
Giit ni Tulfo, posibleng indikasyon kan korapsyon an mga proyektong pinondohan nin gobyerno alagad dae natatapos o kaya naman ay dae maayos an pagkakagibo.
Katakod kaini, nakikipag-ugnayan na rin umano an komite sa Department of Public Works and Highways (DPWH) asin iba pang kaukulang ahensya para sa pagsasagibo nin imbestigasyon.
Kabali sa mga isyung dapat atubangon iyo an pagkarumpag kan retaining wall sa northbound lane kan EDSA-Ayala sa Ciudad nin Makati kasunod kan sunod-sunod na bagyo, na nagkawsa nin grabeng pagpipiot kan trapiko.
Tinawan-duon kan senador an pagkondenar ni DPWH Secretary Vince Dizon an insidente matapos magluwas na hardiflex umano, sa halip na matibay na materyales, an ginamit sa gumuhong bahagi ng istruktura.
Mientrastanto, nilinaw ni Tulfo na dae sana flood control projects an tututukan kan Blue Ribbon Committee, ta sisiyasaton man kaini an iba pang mga nakabinbin na isyu sa korapsyon sa manlaen-laen na ahensya kan gobyerno.
Nasambit kan senador na magigin mahigot an komite sa pagtipon nin mga ebidensya asin pagsierto, na an mga imbestigasyon ginigibo sosog sa mga susundon kan Senado asin mga umiiral na ley.
