Isusulong ni Sen. Panfilo “Ping” Lacson an pagkakaigwa nin opisyal na transcript asin padagos na livestreaming kan mga pagdangog kan bicameral conference committee tanganing masubaybayan kan publiko an mga pagbabago sa ipinapanukalang 2027 national budget.
Segun ki Lacson, mahalaga na magkaigwa nin transcript o opisyal na tala kan mga diskusyon sa bicam tanganing magin malinaw kun siisay an nagpanukala kan mga amyenda asin kun siisay an nagtulod kan mga realignment sa mga probisyon kan badyet.
Tinawan-duon ni Lacson na haloy nang mayong transcript an mga pagdangog kan Bicam kaya apwera sa livestreaming, dapat man na mailathala sa website kan Senado an mga tala kan deliberasyon asin matukoy an mga senador na nagpanukala kan mga pagbabago sa ipinapanukalang ley sa badyet.
Plano man na imbitaran sa bicam an mga civil society groups na magsisirbing mga “guardia civil” na magbabantay kontra sa posibleng pang-aabuso sa proseso.
Huli kaini, pigenkaminar man ni Lacson an mga grupo na bako sanang magbantay kundi ilantad sa publiko an mga kahina-hinalang lakdang tanganing mapanagot an mga imbuelto.
