Napangirit na sana an Malacañang sa alegasyon ni Vice President Sara Duterte na posibleng saro si President Ferdinand R. Marcos Jr. sa mga opisyal kan gobyerno na pinaghihinalaang Pro-China, kun dai ipapaluwas an listahan kan mga suboot “sympathizers.”
Segun ki Presidential Communications Office o PCO Undersecretary asin Palace Press Officer Claire Castro, makangirit an pahayag ni VP Sara huli ta baku ining totoo, lalo na kun an pagbabasehan an rekord ni President Marcos sa pagdepensa sa soberanya kan Pilipinas asin sa mga karapatan sa West Philippine Sea.
Kinuwestiyon man ni Castro kun tano si VP Sara asin an saiyang tugang na si Davao City Rep. Paolo Duterte sana an mga nagtutol sa pangapodan ni Defense Secretary Gilbert Teodoro na magbutas sa puwesto an mga opisyal na dai kayang panindugan an interes kan Pilipinas sa West Philippine Sea.
Sa report, hinamon ni VP Sara si Teodoro na pangaranan an mga opisyal kan gobyerno na sinasabi niyang nagtatanggol sa posisyon kan China manungod sa isyu kan West Philippine Sea.
Tinawan-doon ni VP Sara na an halawig na akusasyon na dai pinapangaranan an mga indibidwal puwedeng magdara nin mga haka-haka, kaiba an pagkakasangkot sa mga opisyal na dai man tinukoy an pagkakabistuhan. Idinugang pa kaini na pati si Presidente Marcos puwedeng paghinalaan kun dai magtao nin mga pangaran.
Enot ng nang nangapodan si Teodoro sa mga opisyal kan gobyerno na nagdududa o nagtatanggi na suportaran an polisiya kan Pilipinas sa West Philippine Sea, asin sa halip kampihan an China, na magbutas sa saindang mga posisyon.
