Matrayumpong naikundusir kan Barangay Cagsao, Calabanga, Camarines Sur an na Bancarera Competition.
Sa intrevista kan Bombo Radyo Naga ki Kapitan Danilo Olalo, Barangay Cagsao, Calabanga, Camarines Sur, sinaysya kaini na taon-taon kinukundusir an aktibidad tuyong selebrasyon kan kapiyestahan kan saindang Barangay asin saro na ining tradisyon.
Binanga sa tolong Categorya an kompetisyon na kompuwesto kan Aircold para sa mga darakulang Bancang de- motor, Kimbohan para sa saradit na bancang de motor asin an Sagwanan.
Labi an pagpapasalamat kan opisyal huli yaon man an partisipasyon kan Philippine Coast Guard- Calabanga tanganing maasigurar an kasalbaduhan kan gabos na kabali sa kompetisyon.
Makalihis an kumpetisyon sinundan ini kan Clean-Up Drive na pinangenotan kan PCG-Calabanga asin nagkaigwa man nin mga pakawat na maogmang pinagpartisiparan kan mga residentes.
Kinundusir man an taon-taon na fluvial procession komo pagtao nin respeto asin debosyon sa saindang patron. Sarong angat an panahon huli sa makusog an alon kan dagat alagad dai ini naging kaulangan tanganing maging maogma an aktibidad.
