Obheto kan Alas Pilipinas Girls na makarehistro nin panibagong kasaysayan mantang target nindang makalaog sa Round of 16 ng FIVB Volleyball Girls U17 World Championship sa San Felipe, Chile.
Nakapagrehistro na an Filipinas kan pirang “firsts” makalihis makua an duwang pagkagana kontra Mexico asin Tunisia sa enot na tulong laban, kawsa tanganing magsakat sinda sa ikaduwang puwesto sa Pool B.
An pagkadaog kan Pilipinas an gikan sa defending champion na China, na nagtitinir na mayong daog sa 3-0 record.
Tanganing maka abante sa masunod na round, kaipuhan kan Nationals na makakua nin dawa sarong gana sa saindang huring duwang kawat sa group stage — kontra sa Peru kasu banggi o Venezuela ngunyan na aldaw.
Mientrastanto, dakula man an itinaas kan Alas Pilipinas Women sa world rankings makalihis an saindang pinakamatibay na pagtatapos sa taonang SEA V Cup.
Naglangkaw an Pilipinas nin 12 puwesto, hali sa No. 65 pasiring sa No. 53, makalihis makua an silver medal sa Leg 2 sa Chiang Mai, Thailand kan Dominggo — an pinakamagayon nindang resulta sa torneo.
Nagtapos an Alas Women na may 2-1 record sa Chiang Mai, makalihis daugon an Vietnam asin Indonesia.
