Nanindugan an Iran na dae kaini bubuksan an Strait of Hormuz hangga’t dae suboot nireresibe kan Estados Unidos an mga kondisyon kan Tehran tanganing punduhon an sa rehiyon.
Segun kay Mohsen Rezaei, bagong itinalagang Secretary kan Iran’s Supreme National Security Council, kaipuhan tapuson ka Estados Unidos an digmaan asin bayadan an mga frozen assets kan Iran.
Hinagad suboot kan Iran na kabali sa kasunduan an pagpundo na kan digmaan sa Lebanon asin Gaza.
Sinabi ni Rezaei na kun magkakaigwa man nin kasunduan an Iran asin Oman manungod sa ligtas na shipping route sa Strait of Hormuz, suhay suboot ini sa desisyon kan Iran.
Senyales na dae tulos ibabalik kan Iran an normal na shipping operations sa Strait of Hormuz dawa magka igwa nin kasunduan sa mga mediator.
Mientrastanto, giraray nagtaas nin demand si U.S. President Donald Trump. Suboot kaipuhan magbayad man an Iran nin compensation para sa mga pinsalang dinulot suboot kan mga digmaan, pag-atake asin protesta sa laog kan nakaaging 50-taon.
Huli digdi naobserbahan giraray an pagtaas kan presyo kan langis huli sa mga paghandal na magiging epekto kan pagsasarado kan Strait of Hormuz.
Bago sumiklab an digmaan, halos 1/5 kan pandaigdigang suplay kan langis asin liquefied natural gas an nag aagi sa naturang strategic waterway.
Segun paman, nagtitinir an tensyon sa kadagatan makalihis marehistro an mga bagong insidente kontra sa mga commercial vessel sa Gulf of Oman asin Red Sea.
Kun sain apat na crew member man an narehistro na nagadan sa tigtutubudan na pag-atake kan Iran-backed Houthi rebels sa sarong cargo vessel sa Bab el-Mandeb Strait.
Mientrastanto, padagos an diplomatic efforts kan Pakistan, Qatar asin Oman tanganing maparani an Estados Unidos asin Iran sa sarong kasunduan. Segun sa Pakistani officials, may mga senyales na pwedeng harani na sa sarong arrangement an duwang lado.
