Medyo nagluya an Tropical Depression Neneng mantang ini naghihiro pa-norte-sulnupan sa ibabaw kan dagat sa sirangan kan Taiwan, sabi pa kan PAGASA.
Susog sa state weather bureau, an bagyo igwa pa man giraray nin maximum sustained winds na 45 kilometros kada oras harani sa sentro asin gustiness na sagkod sa 55 kilometros kada oras.
Nahiling ini sa 365 kilometros norte-sulnupan kan Itbayat, Batanes, asin naghihiro pa-norte-sulnupan sa rikas na 15 kilometro por ora.
Dawa ngani mayo ining direktang epekto sa kondisyon kan panahon, pigbubutong kaini an Southwest Monsoon o Habagat kun kaya nakakaapektar sa maraot na panahon sa bilog na nasyon.
Nagpatanid man an weather bureau na an Habagat magdadara nin makusog na duros sa kadaklan kan Luzon asin Visayas, Zamboanga Peninsula, Northern Mindanao asin Davao Region poon Miyerkules nin banggi sagkod Huwebes.
Posible man an makusog na duros sa Biyernes sa kadaklan na parte kan Luzon, Isla nin Panay, Negros Occidental, Northern Samar asin Davao Oriental.
Mientrastanto, piglalaoman na maapektaran kan pinakusog na Habagat an Pangasinan, Zambales asin Bataan puon Miyerkules na banggi sagkod Huwebes na banggi.
Segun sa PAGASA, may posibilidad na magkaigwa nin mahiwas na pagbaha, orog na sa mga hababang lugar asin harani sa mga salog. Posible man an landslide sa mga lugar na apektado kan mga pag-uran.
Padagos an pagbantay kan PAGASA sa duwang tropikal na bagyo sa luwas kan Philippine Area of Responsibility (PAR)Southeast Asians and Pacific Islanders
An Tropical Depression, na dati pigbisto bilang LPA 08g, nagtitinir sa luwas kan PAR sa 1,055 kilometros hale sa Extreme Northern Luzon.
Mantang an Bagyong “Saudel” nasa sirangan kan Northeastern Mindanao sa 2,980 kilometros.
