Labi sarong bulan poon kan matapos an FIFA World Cup 2026, nagpaluwas na an FIFA Disciplinary Committee nin desisyon manungod sa nagkapirang kaguluhan sa pagtatapos kan Finals match.
Sa desisyon kan komite, anom na player an pinagmulta asin pinatawan nin suspension, kabali sina:
Leandro Paredes – pinagmulta nin $90,000 asin dai makakapaglaro sa sampulong international match.
Nahuel Molina – pinagmulta nin $90,000 asin dai makakapaglaro sa pitong international games.
Pablo Gavi – pinagmulta nin $30,000 asin pinatawan nin sarong game ban.
Thiago Almada – pinagmulta nin $30,000 asin pinatawan nin sarong game ban.
Roberto Ayala, team official – pinatawan nin tulong game ban.
Pablo Martín Páez Gavira – pinatawan nin sarong game ban.
Pinatawan man an Argentinian Football Association nin multa na nagkakantidad nin $321,000 huli sa mga paglapas o breach sa kabuuan kan World Cup Finals kontra Spain.
An desisyon na ini kasunod man kan disciplinary proceedings na isinagibo kan FIFA makalihis an kontrobersiyal na kaguluhan sa huring parte kan Finals.
Matatandaan na an Spain an kinoronahan komo World Cup champion, mantang silver trophy an nakua kan dating champion na Argentina.
