40 Power Generators Posibleng Masuspinde huli sa Pagbalgar sa DOE Orders

Dai mababa sa 40ng power generation companies o gencos an pwedeng masuspinde huli sa dae pagsunod sa show-cause orders hale sa Department of Energy (DOE). Kadaklan sainda mga saradit na planta nin kuryente na diesel, asin an iba mayo nang operasyon.

Hinahagad sa sainda na ipaliwanag an saindang dai pagsumiter nin mga kinakaipuhan na report asin an saindang pirit na pagputol asin kakulangan sa ipinanugang supply nin kuryente.

Segun ki Energy Secretary Sharon Garin, irerekomendar kan DOE sa Energy Regulatory Commission (ERC) an suspension kan mga repeat violators.

Sa irarom kan mga bagong patakaran, an paorootrong pagbalga pwedeng magresulta sa suspensyon, blacklisting, o pagbawi kan mga permiso asin awtorisasyon.