NBI Director Matibag nanindugan na mayu sindang pinipiling tawo na sasampahan nin kaso

Pigklaro ni National Bureau of Investigation Director Melvin Matibag na pwedeng imbestigaran si Davao City Representative Paolo “Pulong” Duterte kun imbwelto siya sa anuman na iligal na aktibidad.

Ini an reaksyon kan NBI Director sa nagin pahayag ni Duterte na pig-iimbestigaran an yaman kan saiyang pamilya.

Nanindugan si Matibag na dae sinda nagpipili kun sisay an sasangatan nin kaso, dawa siisay na imbwelto sa iligal na aktibidad an iimbestigaran asin sasangatan nin kaso.

Nagtutubod an NBI Director na dae siya pigtututukan kan mambabatas sa saiyang post sa social media huli ta dae man sinambit an saiyang pangaran.