Binawian nin buhay an duwang Pinoy seafarers an makalihis na atakehon sa Strait of Hormuz.
An Bahri, an nasyonal na kompanya nin barko kan Saudi Arabia, nagkumpirma na an saindang barko na SIDR natamaan mantang naglalayag sa Strait of Hormuz kan Agosto 31.
An kumpanya dai nagtao nin ano man na dugang na detalye manungod sa pangyayari.
Alagad, segun sa maritime security agency na UKMTO, tinamaan nin tolong dae pa nabibistong projectiles an tanker mantang ini nag-aagi sa Strait of Hormuz.
Kan nakaaging bulan, saro pang barko kan kumpanya, an Wedyan supertanker, an natamaan mantang naglalayag ini harani sa Dagat kan Oman.
Mientras tanto, duwa sa mga barko kaini, an AMZAN asin MASA, an inatake man sa Dagat na Pula kan mga rebeldeng Houthi hale sa Yemen.
Marurumduman na naghuma an Iran na atakihon an arin man na barko na maagi sa Strait of Hormuz.
