Nagpatanid si Senador-Judge Alan Peter Cayetano na posibleng matapos sa mistrial an impeachment trial ni Bise Presidente Sara Duterte kun baguhon an voting threshold mantang nagpapadagos pa an trial.
Segun ni Cayetano, an mga reglamentong itinalaan sa pagpoon kan pagbista dapat magdanay sagkod sa katapusan kaini.
Nag-insistir siya na habo niyang ma-nullify an trabaho asin proceedings kan Senate impeachment court huli sana sa pagbabago sa voting requirements.
Sa presenting ruling ni Presiding Officer Francis Escudero, 16 na boto an kaipuhan tanganing ma-convict an Bise Presidente, katumbas kan two-thirds kan bilog na 24-miembro kan Senado.
Liwat na binuksan an isyu makalihis na hapoton ni Sen. Erwin Tulfo kun dapat na iiba sa pagbilang an mga senator-judge na dae nakaatendir o nakapartisipar sa proceedings.
Huli igdi, naghagad an impeachment court nin opinyon sa mga retired Supreme Court magistrates na nagsilbing Amici Curiae tungkol sa interpretasyon kan constitutional requirement na “Two-thirds of all the members of the Senate.”
Segun ni Cayetano na iginagalang niya an mga legal experts alagad nagtutubod na an mga constitutional questions dapat resolberan kan Korte Suprema.
Nakatalaan na dangugon sa Setyembre 23 an oral na argumento kan prosecution asin defense bago magdesisyon an mga senator-judge kun papanindugan o babaguhon an 16-botong ruling.
