Personal na nagduman sa Banga, South Cotabato si Department of Social Welfare and Development (DSWD) Secretary Rex Gatchalian kan nakaaging Domingo tanganing magtao nin tabang sa mga biktima kan nangyaring pamamadil sa Banga National High School kan Setyembre 18, 2026.
Segun ki Gatchalian, tulos na nagpaluwas nin pagboot si Pangulong Ferdinand “Bongbong” Marcos Jr. na itao an gabos na kaipuhanan na tabang asin suporta para sa mga naapektuhan kan insidente.
Binisita man kan kalihim an mga ospital kun sain ginagamot an mga nalugadan, siring man an mga pamilya kan mga nagadan, kun sain ipinagpromesa kan DSWD na sinda an masimbag sa gabos na bayadan sa pagbulong asin magtatao nin halawig na tabang asin psychological first aid sa mga naulila asin naapektuhan.
Mientrastanto, nagdeklara ngunyan na Lunes, Setyembre 21, nin suspensyon kan face-to-face classes sa gabos na lebel an nagkapirang lokal na gobyerno sa South Cotabato bilang pag-iingat kasunod kan nangyaring pamamadil.
Kaiba sa mga nagpatupad nin class suspension an mga LGU kan Banga, Surallah, Norala, Sto. Niño, asin an siyudad kan Koronadal.
