Sarong nagmukna kan 1987 Constitution an nagpahayag na tama an desisyon kan Senate Impeachment Court na dai na isama sa voting threshold an mga senador na nakakulong o dai nakakadalo sa impeachment trial kontra ki Bise Presidente Sara Duterte.
Ipinaliwanag ni Atty. Christian Monsod na an mga senador na nakakulong huli sa kasong plunder nawawaran nin kapangyarihan asin karapatan na magboto sa pinal na paghatol kan korte.
Huli kaini, ibinibilang na sana sinda na senador sa pangaran alagad bako sa katungdan, kaya man tama sana na halion sinda sa denominator na basehan kan pagdeterminar kan kaipuhan na boto para sa conviction o acquittal.
Idinugang pa kan batikang abogado na an interpretasyon sa probisyon na duwang-katlo kan gabos na miyembro kan Senado pwedeng magbago base sa tunay asin legal na sitwasyon kan mga miyembro kaini.
Idinugang pa ni Monsod na mayong nilabag na probisyon sa Saligang Batas si Trial Presiding Officer Chiz Escudero asin an bilog na impeachment court, huli ta pinaglinaw sana kan grupo an tamang pagbilang kan bilang kan mga tagahatol.
