Pig-insistirIginigiit ni House Prosecution Member asin Representative Terry Ridon na mayo nang lugar an kampo kan depensa na gumamit nin arin man na “delaying tactic” manungod sa impeachment trial ni Vice President Sara Duterte.
Segun ki Ridon, an iskedyul na ipinaluwas kan Impeachment Court pwedeng ibilang na pormal na “deadline” kaya kaipuhan na pagkasyaon kan “defense team” an saindang oras sa pagpresentar nin mga ebidensya tanganing pabulaanan an mga inilatag kan prosekusyon.
Naenot nang ipinaluwas kan hukuman an iskedyul kan mga pagdangog para sa bilog na bulan sa paagi nin sarong “advisory” na may petsang Oktubre 13.
Base sa opisyal na dokumento kan Impeachment Court, nagsumite na an kampo kan depensa nin lista kan 25 testigo na gusto nindang iharap sa paglilitis.
Minsan siring, naenot nang umatras sa pagigin enot na testigo an “political and constitutional law professor” na si Ralph Sarmiento.
Bago kaini, ipinahayag ni House Deputy Speaker asin Iloilo 1st District Representative Janette Garin an saiyang pagtubod na ginagamit kan kampo ni Duterte an “3D tactic” o “Delay, Delay, and Divert” strategy sa kaso.
Piglaaloman na malilikayan an siring na mga estratehiya tanganing dai mapugulan an Impeachment Court sa pagpaluwas nin sarong patas asin
