Nangapudan an sarong opisyal kan Barangay San Francisco sa mga kapwa opisyales kan barangay na magpadagos asin aktibong magserbisyo sa saindang komunidad kasunod kan kanselasyon o pag-oktaba kan eleksyon asin posibilidad na mapalawig pa an saindang termino.
Sa intrevista kan Bombo Radyo Naga ki Efren C. Nepomuceno, Barangay Kapitan, San Francisco Naga City, sinabi kaini n a imbes masayang an dagdag na panahon sa pwesto, gusto niyang ipadagos an mga programa na saiyang pigplano para sa barangay. Gigibohon suboot niya an saiyang makakaya tanganing magamit nin tama an oras na itinao sa sainda para sa kapakinabangan kan mga namamanwaan.
Kun sa mga naka-file na nin kandidatura alagad dae nagdagos an eleksyon, sinabi ni Nepomuceno na puede sindang magpadagos sa pagboluntaryo asin pagtabang sa barangay sa anuman na paagi. Ipinahayag man kaini na labing tulong dekada na siyang naglilingkod sa barangay, matapos magbalyo sa San Francisco kan 1983 hale sa Santa Cruz, Tagraque.
Pigduon man kan opisyal kan barangay an kahalagahan kan pagtao nin kongkretong serbisyo sa mga residente na nagtitiwala sa saindang mga opisyales. Sinabi niya na dapat mahiling kan mga namamanwaan an aktuwal na trabaho asin pagmalasakit kan saindang mga public servants, lalo na ngonian na pinalawig na an saindang tenure.
Dugang pa ni Nepomuceno na an pagigin sarong public servant nangangahulugan nin danay na pagtabang sa kapwa asin pagserbi sa mga tawo na saindang pigrerepresentar.
