Nakatalaan na maglangkaw an pamasahe sa pampublikong transportasyon saaga, Lunes, Setyembre 28, mantang pig-tutulod kan transport groups na Manibela asin Piston an saindang planong protesta huli sa padagos na paglangkaw kan presyo kan mga produktong petrolyo.
Sa lindong kan bagong pamasahe na inaprobaran kan Land Transportation Franchising and Regulatory Board (LTFRB), an minimum na pamasahe para sa mga ordinaryong jeepney malangkaw poon sa P13 hasta P14 sa kada apat na kilometro. Mantang an pamasahe sa kada masunod na kilometro madudugangan nin P2.
Mientrastanto, para sa mga modernong public utility jeepney, P17 an minimum fare, na may dagdag na P2.40 sa kada masunod na kilometro. Malangkaw man an pamasahe sa mga city bus, kun saen an minimum na pamasahe sa enot na limang kilometro maabot na sa P15, mantang igwa man nin dagdag na P2.49 sa kada masunod na kilometro.
Sa mga bus na may aircondition, malangkaw nin P18 an minimum fare, asin iguang dagdag na P3 sa cada dagdag na kilometro.
Mientrastanto, para sa mga provincial bus, P2 hasta P3 an dagdag sa pamasahe sa kada dagdag na kilometro, depende sa klase kan bus.
Mantang an pamasahe sa UV Express madugangan nin P2.60 hasta P3 sa kada dagdag na kilometro.
An Department of Transportation (DOTr) nagsugo sa mga operator na i-display an mga bagong fare matrix asin padagos na magtao nin diskwento sa mga estudyante, senior citizens asin persons with disability.
An Department of Transportation (DOTr) nagsugo sa mga operator na i-display an mga bagong fare matrices asin padagos na magtao nin diskwento sa mga estudyante, senior citizens asin persons with disability.
