Hinamon ni Rodulfo Gracioso Jr. si Bise Presidente Sara Duterte asin an dating House Speaker na si Lord Alan Velasco na magpa-agi sa sarong ‘lie detector test’.
Giit kan dating security aide ni dating House Speaker Velasco na kaipuhan magpa-lie detector test an mga nasambit tanganing mapatunayan kun siisay an nagsasabi kan katotoohan.
Ngayong aldaw, nag-abot si Gracioso sa opisina kan National Bureau of Investigation (NBI), kaiba si Fr. Flavie Villanueva.
Sa saindang pag-abot, nagsumite si Gracioso kan saiyang sinumpaang salaysay dapit sa mga alegasyon nin paghatod nin maleta-maletang kwarta sa pamilya Duterte.
Isiniwalat kan dating security aide ni House Speaker Velasco na naghatod ini nin nagkakantidad na bilyun-bilyong piso na kwarta poon 2018 sagkod 2022.
Alagad kan haputon siya kun tano ngunyan sana siya nagluwas asin isinapubliko an mga ini, simbag niya na dai daa siya tinabangan kan nagkahelang sinda kan saiyang ama.
Segun ki Rodulfo Gracioso Jr., isinumite na niya sa NBI an mga ebidensya, kaiba an mga retrato asin videos na masusuporta sa saiyang mga alegasyon.
