Dae na madadagos an Barangay asin Sangguniang Kabataan Elections (BSKE) na nakatalaan kutang isagibo sa Nobyembre ngoniang taon.
Ini kasunod kan pagpirma ni Presidente Ferdinand Marcos Jr. sa Republic Act No. 12326, na nagpapalawig kan termino kan mga barangay asin SK officials.
Dahil digdi, an mga opisyal na naelehir kan 2023, magdadanay sa pwesto asin magkakaigwa pa nin duwang taon sa saindang termino.
Inaasahan ni Presidente Marcos na mas pag-iibayuhon kan mga presenteng opisyal an saindang mga gampanon, orog na sa pagtao nin serbisyo publiko.
Kasunod kaini, kinansela kan Commission on Elections (COMELEC) an gabos na pagpreparar asin aktibidad para sa BSKE 2026, kaiba an filing of certificates of candidacy.
Sa tala kan COMELEC, nakapaglaan na ini nin humigit-kumulang ₱8 bilyon hale sa ₱19 bilyon na budget na inilaan kuta para sa BSKE 2026.
Mientrastanto, iba-iba man an pananaw kan mga botante manungod sa pagpapaliban kan eleksyon, na may nagpapahayag nin pagka-uyon asin pagka-kontra.
Sa irarom kan bagong ley, an masunod na Barangay asin Sangguniang Kabataan Elections nakatalaan sa ikaduwang Lunes kan Nobyembre 2028.
