Carlo Paalam, Nakasentro sa Gintong Medalya sa Asian Games Finals

Nakasentro nin husto ngonian an Pinoy boxer na si Carlo Paalam sa pagkamit kan gintong medalya sa 20th Asian Games na ginigibo sa Nagoya, Japan.

Makakalaban niya sa finals kan 55kg men’s division si Rui Yamaguchi kan Japan.

Nakalaog sa final round an 28-anyos na si Paalam matapos na daogon an world champion na si Makhmud Sabyrkhan kan Kazakhstan sa paagi kan 3-2 split decision.

Huli kaini, segurado na an silver medal para ki Paalam kun sain target niya na tapuson an halawig na pagkawara nin gintong medalya para sa mga boksingero kan nasyon.

An huring nakakua nin gintong medalya an Pilipinas sa Asian Games iyo si Rey Saludar sa 52 kgs. division kan 2010 Guangzhou Games.

Ginigibo an laban ni Paalam asin Yamaguchi sa mga 12:15 nin udto.