Magkahalong price adjustment sa presyo kan produktong petrolyo an inaasahan sa masunod na semana, segun sa Department of Energy (DOE) kan Biyernes, Oktubre 2.
Segun sa ahensya, an enot na apat na aldaw nin trading sa global market nagpapahiling nin posibilidad na bumaba nin P1 kada litro an presyo kan diesel, mantang posibleng magtaas nin P1.50 kada litro an gasolina asin P2 kada litro an kerosene.
Ipinaliwanag ni DOE Oil Industry Management Bureau Director Rino Abad na maski nagtaas giraray an global prices kan gabos na petroleum products, an rollback kan lokal na presyo kan diesel magkakaigwa nin carry-over effect sa presyo sa masunod na semana.
Ngonian na semana, nagbaba nin P7.57 kada litro an diesel, P0.24 an gasolina, asin P5.85 an kerosene.
