Pig-aadalan an Jesse M. Robredo Coliseum (JMRC) na magin bagong lugar kan Kan-Tagboan Festival sa mga masunod na taon, oras na matapos na an konstruksyon kaini asin andam na para sa darakulang pagtiripon.
Sa paghampang sa mga Kagawad kan Media ni Allen Reondanga, Head, Department of Culture, Heritage and the Art, sinaysay kaini na mas magigin komportable an mga nag-aatender kun sa JMRC gigibohon an mga mayor na aktibidad huli ta air-conditioned an pasilidad asin mas angay para sa mga programa asin konsyerto.
An lokasyon kan JMRC makakatabang man sa mas marhay na pagmanehar kan trapiko, nin huli ta ini harani sa CBD2.
Alagad, an plano nakadepende sa pagkumpleto kan JMRC sa laog kan itinalaan na panahon para ini makonsiderar bilang alternatibong lugar para sa festival.
Apwera sa Kan-Tagboan Festival, pwede man gamiton an JMRC sa iba pang darakulang aktibidad sa ciudad, kabali na an mga pagtiripon asin programa sa simbahan.
