Nangapudan an alkalde kan banwaan nin Sagñay sa mga constinuents na magin alerto asin makipagtabangan sa paglinig kan kapalibutan tangani an maibitaran an Dengue.
Sa intrevista kan Bombo Radyo ki Mayor Jovi Fuentebella, nagpagiromdom an alkalde sa mga residente na magin alerto kontra dengue asin magin aktibo sa pagmantener nin kalinigan kan palibot.
Segun ki Fuentebella, mahalaga an pagtatarabangan kan lokal na gobyerno, barangay asin mga residente tanganing mabawasan an mga lugar na pwedeng pugaran kan mga namok na nagdadara kan dengue.
Pinapagiromdoman an publiko na regular na linigan an mga bakuran asin halion an mga lalagan na pwedeng pag-ipunan nin tubig, arog kan mga lumang gulong, bote, lata asin iba pang gamit na pwedeng pamugaran kan namok.
Hinihikayat man an mga residente na magin mapagmatiyag sa mga sintomas nin dengue asin magpakonsulta agad sa health center o doktor kun kinakailangan.
Panawagan ni Mayor Fuentebella, magtarabangan an komunidad tanganing mapagdanay na malinig an palibot asin maprotektahan an mga pamilya kontra dengue.
