Nangapudan si Presiding Officer Francis “Chiz” Escudero nin pagpupugol, paggalang asin pagiging makatanosan sa gabos nin sangkot sa impeachment trial ni Vice President Sara Duterte, kasunod kan paglangkaw nin tensyon asin emosyon sa mga pagdangog.
Sa pagpuon kan pagdangog, sinabi ni Escudero na naaiintindihan kaining halipot na an pasensya kan pira asin naglalangkaw an emosyon mantang nagpapadagos an paglilitis.
Siring man, iginiit kaining dae dapat lingawan kan gabos na gampanan an saindang tungkulin na tabangan an Impeachment Court na patas asin marhay na maresolbar an kaso.
Tinawan-duon ni Escudero na dae dapat maabala an mga senador-hukom sa mga pahayag hale sa laog o luwas nin hukuman. Suboot, an paglilitis ays dae manungod sa personal na interes nin siisay man kundi manungod sa pananagutan asin pagiging patas.
Tig-enkaminar man kan presiding officer an mga abogado na mantineron an paggalang asin pagigin may respeto sa kapwa abogado, alinsunod sa Canon 2, Section 2 kan Code of Professional Responsibility and Accountability.
Sinabi din ni Escudero na posibleng magin matindi an pagtatalo asin batikos, alagad dae ini dapat mauli sa personalan o paglapastangan sa dignidad kan ibang tawo.
Tinawan-duon kaini na sa pagtatapos nin paglilitis, an dapat mangibabaw ay an ley, bako an anggut.
