Tinawan-duon ni Senator-judge Pia Cayetano an importansya kan due process sa impeachment trial, kaiba an saiyang pangapudan na likayan an anuman na shortcut sa mga proceedings.
Sa saiyang manifestation kasuudma, sa ika-33 aldaw kan impeachment trial ni Bise Presidente Sara Duterte, sinabi ni Cayetano na gusto niya na maisagibo an paglilitis sa paagi na dai magwalat nin duda sa publiko kun tama, konstitusyonal, asin legal an mga lakdang kan Senate impeachment court.
Segun ki Cayetano, importante na malinaw na legal an lambang lakdang sa mga proceedings asin mayong nilalampasan na proseso.
Dugang pa kaini na an saiyang katuyuhan iyo na maisagibo an trial na naaayon sa due process tanganing mabawasan an anuman na pagduda kan publiko sa nagin dalagan kan impeachment proceedings.
