Nakaguno nin 93.1 percent na rating an banwaan nin Pasacao Camsur sa iisinagibong ebalwasyon kan Department of Energy (DOE) sa paagi kan Government Energy Efficiency Management Program.
Sa intrevista kan Bombo Radyo Nag ki Mayor Niño Tayco, Local Government Unit kan Pasacao, sinabysay kaini na saro sa mga lakdang na ginibo kan lokal na gobyerno an tamang paggamit nin enerhiya sa mga opisina asin pasilidad kan munisipyo asin katumbas nin Grade A asin five-star rating an nakua kan Pasacao.
Kabali sa mga pinagbasehan digdi an pagmanehar kan konsumo nin kuryente asin gasolina, pati na an pagpautob nin mga paagi tanganing makatipid nin enerhiya.
Pagliwanag ni Tayco, na naggamit nin mga inverter-type na mga air-conditioning unit an banwaan asin naka turn-off an mga ilaw asin iba pang kagamitang de-kuryente kun dai ini ginagamit, labi na kun tapos na an oras nin trabaho.
Dugang pa kan opisyal, nakikipag-olay man an munisipyo sa mga technical staff kan Department of Energy para sa Assessment asin teknikal na giya sa pagpakarhay kan Energy Management System kan Lokal na Gobyerno.
Pinagpaplanohan man an may koneksyon sa green building certification kan bagong gusali kan, bilang parte kan pagsusulong nin mas episyente asin mas makakalikasang operasyon.
Piglalaoman na makakatabang an mga inisyatibong ini sa pagkontrol kan mga gastos sa enerhiya asin sa pagpautob nin responsableng paggamit kan mga likas na yaman.
