Padagos an mga plano asin pag-asikaso sa pagpapakarhay kan mga tinampo, drainage, asin mga pampublikong edificio sa Barangay Caroyroyan, na target na maipadara sa implementasyon antes matapos an taon.
Sa intrevista kan Bombo Radyo Naga ki Jerry Canave – Barangay Kapitan, Caroyroyan, Pili, Camarines Sur, sinabi kaini na kabilang sa mga pangenot na pangangaipuhan kan barangay an pagpapakarhay kan mga barangay road na sa ibang lugar iyo na an nagigin problema an pagbara. Konektado man digdi an pangangailangan para sa mas maayos na drainage, lalo na sa mga lugar na madaling magkaipon an tubig.
Kabilang man sa mga pinag-aasikaso an mga proyekto sa imprastraktura, kaiba an konstruksyon o pagpapakarhay kan health center. An health center an kabilang sa capital outlay kan barangay, asin pinag-iisipan man an pagpauswag kan pasilidad para mas makatabang sa mga residente.
Paliwanag pa ni Canave na an covered court kan barangay pinag-ulayan man bilang pasilidad na puwedeng gamiton bilang evacuation center sa panahon nin kalamidad. An pagtaas kan pondo para sa mga imprastraktura nakadepende sa alokasyon kan lokal na gobyerno asin sa available na pondo.
Pinagtawan-doon man ni Canave an kahalagahan kan tamang paggamit kan pondo asin an pagiging transparent asin accountable sa mga residente. An mga proyekto dapat nakabase sa pangangailangan kan komunidad asin sa mga programa, proyekto, asin aktibidad na nakapaloob sa development planning kan barangay.
Sa pag-abot kan katapusan kan taon, inaasahang magpapadagos an koordinasyon para maisulong an mga kinakailangang proyekto sa tinampo, drainage, health center, covered court asin iba pang pampublikong pasilidad sa Barangay Caroyroyan.
