Nagtama an sarong magnitude 7.7 na linog sa Panama kan Biyernes, Oktubre 9, 2026. Ini an nagin kawsa kan pagkarumpag kan nagkapirang edificio asin tinampo, alagad mayo nin naireport na nagadan sa enot na mga bareta.
Nagdurar nin poco mas o menos sarong minuto an linog na namatean sa manlaen laen na parte kan nasyon. Dakul na mga residente an nag-panic asin nag-ebakwar sa mga high-rise building huli sa makusog na pagyugyog.
Segun sa mga awtoridad, an mga probinsya nin Herrera, Coclé, asin Los Santos an pinakagrabeng tinamaan. May mga lugar na dai na maagihan huli sa mga naraot na tinampo. Temporaryo man na isinara an airport sa Panama City.
Igwa nin labing 80 aftershocks, kaiba an saro na naglampas sa magnitude 6.0. Sarong patanid nin tsunami an ipinaabot man para sa sirangan na Kadagatang Pasipiko alagad kan huri hinale.
Pigsuspinde kan gobyerno an mga klase sa bilog na nasyon mantang nagpapadagos an mga damage assessment asin mga preparasyon sa pagresponde sa kalamidad.
