Sarong makusog na 7.7-magnitude na linog an tuminama sa dagat sa may Flores, Indonesia, ngonian na Sabado, na nagin rason kan patanid nin tsunami asin pag-ebakwar kan ginatos na mga residente.
Sinundan ini nin makusog na aftershocks, kabali an 6.1-magnitude na linog. Nagkapirang edipisyo man an naireport na naraot, alagad mayo man nin naireport na nagadan.
Nagpatanid an Meteorology, Climatology, and Geophysics Agency na posibleng mag-abot sa 3 metros an alon nin tsunami sa nagkapirang parte kan Indonesia. Nairehistro man an mga alon na may langkaw na 19 hasta 30 sentimetros.
An mga residente sa nagkapirang lugar sa baybayon tulos na nag-ebakwar pasiring sa mas halangkaw na lugar bilang pag-iingat.
An Indonesia prone sa makusog na linog nin huli ini namumugtak sa Pacific Ring of Fire.
