Ipinaluwas na kan Metro Manila Film Festival (MMFF) an huring apat na pelikula na kaiba sa festival ngunyan na taon.
Pinapangenotan ini kan pelikulang “A Perfect Marriage” na pinagbibidahan ninda Kim Chiu asin Paulo Avelino; historical drama na “Los Salvajes Bravos,” na pinagbibidahan ni Romnick Sarmenta.
An ikatulong kaiba iyo an family drama na “Little Hope” na pinagbibidahan ni Pepe Herrera asin Yassi Pressman, asin an huri iyo an “Seeds of Peace: The Life of Fr. Rhoel D. Gallardo, CMF” na documentary film na pinagbibidahan ni Zaijan Jaranilla.
Enot nang inanunsyo kan MMFF kan Hulyo an enot na apat na pelikula, na iyo an “Second Miracle in Cell No. 7” na pinagbibidahan ni Aga Muhlach; “Amir” na an bida iyo si Dennis Trillo; “Haunted Carnival” na pinagbibidahan ni Julia Barreto; asin an huri iyo an “The Greatest Showdown” na pinagbibidahan ninda Vic Sotto asin Vice Ganda.
Gaganapon an banggi nin paggawad kan 52nd MMFF sa Disyembre 27.
