Lima an gadan matapos atakehon kan mga rebeldeng Houthi an presidential palace complex sa Aden, Yemen, gamit an limang missile.
Nangyari an insidente kan Huwebes, kun sain duwang security guard asin tulong iba pa an nagadan.
Segun ki Information Minister Moammar al-Eryani, ligtas asin mayong lugad an prime minister kan Yemen asin an mga miyembro kan gabinete na yaon sa laog kan Maashiq presidential palace kan mangyari an pag-atake.
Ipinaliwanag kan tagapagsalita kan militar kan Houthi na si Yahya Saree na an insidente parte kan saindang pormal na polisiya na targeton an mga Saudi military build-ups.
Ipinahayag man kan Houthi-run Saba news agency na an saindang binomba iyo an headquarters kan military operations kan mga opisyal kan Saudi Arabia kaiba an imbakan nin mga sandata sa laog kan complex.
Nagkapirang saksi an nakadangog nin makusog na pagsabog sa palibot kan palasyo mantang padagos na binabantayan kan mga awtoridad an seguridad sa bilog na rehiyon.
