Pigpapahimutikan kan Iran an mga bareta na naguubos an saindang pondo asin kan saindang mga kaalyado sa Middle East, dawa pa pig-ako ninda an grabeng hamon sa ekonomiya huli sa mga sanction kan US asin nagpapadagos na giyera.
Segun ki US Central Command chief Brad Cooper, grabeng nakadanyar sa ekonomiya kan Iran an mga atake militar asin naval blockade kan US.
Pig-aako kan US na naharang ninda an haros $25 bilyon na halaga kan crude exports asin na-freeze an $350 milyon na cryptocurrency assets.
Huli kaini, pig-iinsistir kan US na nagkakaproblema na an Iranian Revolutionary Guard Corps (IRGC) asin mga kaalyadong grupo arog kan Hezbollah asin Houthis sa pagbayad kan suweldo kan saindang mga sundalo.
Sa ibong kan projected 7.7 percent contraction kan ekonomiya kan Iran para sa fiscal year 2026-27 segun sa World Bank, pigpahimutikan ni Central Bank chief Abdolnaser Hemmati an mga bareta nin pagbagsak kan saindang ekonomiya.
Pigtawan-duon man ni President Masoud Pezeshkian an pag-asa sa sadiring kakayahan kan nasyon asin an pagdugang nin suporta sa mga namamanwaan sa paagi kan electronic food vouchers.
