Mahigot na binabantayan kan CDRRMO-Naga an mga lugar na regular na binabaha huli sa epekto kan bagyong Rosal.
Sa intrevista kan Bombo Radyo Naga ki Raynor Rodriguez | Head, CDRRMO-Naga, sinabi kaini na dae piglalaoman an direktang epekto kan bagyo sa ciudad, dawa ngani posible an halipot na panahon na pag-uran asin pagbaha.
Padagos an pagtabang kan opisina sa mga barangay sa paglinig kan mga kanal, pag-inspeksyon kan mga sistema nin patanid, asin pagrepaso kan mga plano sa pagresponde sa kalamidad. Inagyat man an mga residente na mag-itaas nin mga gamit sa harong asin ibalyo an mga lunadan sa ligtas na lugar kun kinakaipuhan.
Dugang pa ni Rodriguezn na igwa man nin contingency plan an ciudad para sa pre-emptive evacuation kun magin delikado an sitwasyon, base sa mga patanid kan PAGASA asin sa kondisyon kan mga komunidad. Dawa an mga pamilyang nakaistar sa delikadong lugar sa salog padagos na inaatake.
Mientrastanto, an iba pang preparasyon laban sa El Niño iyo an pagbakal nin water pumps para sa mga pananom, alternatibong banhi, pagpreparar nin mga medical teams, asin posibleng pagbugtak nin water stations sa mga pampublikong lugar.
Nangapudan si Rodriguez sa publiko na magtiwala sa mga opisyal na impormasyon hale sa PAGASA asin iba pang awtorisadong ahensya, asin pirming magin andam sa posibleng pag-uran asin pagbaha.
