Sarong tawo an nagadan mantang walo an nalugadan sa pag-atake sa King Fahd International Airport sa Dammam, subangan na Saudi Arabia, kan Miyerkules nin banggi.
Segun sa General Authority of Civil Aviation (GACA) kan Saudi Arabia, nagkakalaen-laen an mga lugad kan mga biktima, poon sa menor sagkod sa grabe.
Padagos man na sinisiyasat kan mga awtoridad an lawig kan danyos na naako kan mga pasilidad kan airport matapos an insidente.
Dai man tinukoy kan GACA sa inot na pahayag kun anong klase nin pag-atake an nangyari o kun siisay an nasa likod kaini.
Nangyari an insidente sa tahaw kan serye nin pag-atake kontra sa mga pasilidad sa Saudi Arabia sa nakaaging mga aldaw.
Kan Miyerkules, ibinalita man kan Saudi-led coalition na igwang na-intercept asin naraot na drone na pasiring sa Eastern Province, alagad dai pa direktang ikinokonektar kan mga awtoridad an insidenteng idto sa pag-atake sa King Fahd International Airport.
Padagos an assessment asin imbestigasyon kan mga kinauukol na awtoridad sa insidente.
