Ipinahayag kan Armed Forces of the Philippines (AFP) an matrayumpong pagkumpleto kan saindang rotation and resupply (RORE) mission sa Ayungin Shoal.
Segun sa tagapagtaram kan AFP para sa West Philippine Sea, nagin matanos an misyon na mayong ano man na aberya o presensya kan mga barko kan China.
Parte ini kan regular na military activities kan AFP para sa rotation kan mga personahe asin pagtao nin kinakaipuhan na mga suplay.
Giit kan AFP na padagos an saindang mga operasyon asin dai na kaipuhan pang ipaaram sa China.
An pahayag na ini nagluwas matapos na enot nang sabihon kan China Coast Guard (CCG) na naghagad nin permiso an AFP para sa pagtao nin suplay sa grounded vessel sa Ayungin Shoal.
Alagad, pinapanindugan kan AFP an saindang posisyon na an siring na mga misyon sarong soberanong karapatan asin dai nangangaipo nin panluwas na pagtugot.
