Nagpahiling nin magkaibang pananaw sinda Sen. Joseph Victor “JV” Ejercito asin Sen. Jinggoy Estrada manungod sa mga panawagan na ideklarang persona non grata si Chinese Ambassador to the Philippines Jing Quan kasunod kan saiyang mga kontrobersyal na pahayag dapit sa West Philippine Sea.
Segun ki Ejercito, pinag-uurulayan na sa Senado an pagpaluwas nin resolusyon kontra sa embahador na saiyang ilinadawan bilang “very rude, hostile, at undiplomatic” matapos kaining sabihon na madaling matatalo kan China an Pilipinas kun gagamit ini nin puwersa.
Nagtutubod si Ejercito na mas marhay na ribayan na kan Beijing an saindang diplomat kun seryoso ini sa pagpakarhay kan bilateral na relasyon kan duwang nasyon.
Sa ibong na lado, nanawagan man si Estrada na pairalon an diplomasya asin paggalang sa ley imbes na tulos na magpaluwas nin deklarasyon na persona non grata na pwedeng magresulta nin bakong marhay na epekto sa relasyon kan magkabilang lado.
Pig-insistir ni Estrada na mas maipapahiling kan nasyon an saiyang panindugan sa paagi kan matatag na pagkapot sa 2016 Arbitral Award mantang padagos na nag-iiwan nin pinto para sa diyalogo.
