An Golden State Warriors nakalasá nin ikaduwang sunod-sunod na pagkadaog sa bagong season matapos sindang daogon kan Memphis Grizzlies sa iskor na 111-108.
Huli kaini, an Warriors ngunyan yaon sa 0-2 na rekord sa pagsisimula kan saindang kampanya, mantang an Grizzlies nakakua na nin duwang kapangganahan.
Dai nakaya ni NBA superstar Stephen Curry na darahon an saiyang koponan huli sa makusog na depensa kan Grizzlies, orog na sa “clutch time”, na naglimitar saiya sa limang “field goals” sana.
Pinangenotan kan sharpshooter na si Ty Jerome an opensa kan Grizzlies na may 28 points, na sinuportahan kan “double-double” ni Cameroon Boozer na may 25 points asin 13 “rebounds”.
Maski nagkaigwa nin 12 “steals” an Warriors, nagin problema an 38 na “turnovers” ninda sa bilog na laban, na dakulang rason kan saindang pagkadaog.
Nagtapos man an rookie na si Yaxel Lendeborg na may 18 points asin 13 “rebounds”, mantang si Draymond Green nakagibo sana nin 5 points.
